Væri ekki bara fróðlegt að svipast um í hugskoti umbjóðandans að gengnum dómi?
1. Dagur dómsuppkvaðningar: Hann er hetja sem fékk dómarana til að sjá ljósið í málinu.
2. Dagur fyrir reikningsgerð: Hann hélt svo sem öllu til haga en dómurinn byggðist bara á lögunum, sem dómararnir þekktu. Ekki bjó lögmaðurinn þau til.
3. Dagur reikningsgerðar: Ekki nema það þó! Hvað heldur hann eiginlega að hann sé? Hann tók að sér upplagt mál og gerði ekki annað en að leggja það fyrir dómstólana sem svo pössuðu upp á réttlætið. Svo vill þessi lögmannsnefna fá allt þetta borgað fyrir viðvikið.
4. Greiðsludagur reiknings: Ætli maður neyðist ekki til að borga þetta til að verða laus undan þessu afstyrmi. Ég má reyndar þekka fyrir að hann náði ekki að klúðra málinu. Málstaður minn var einfaldlega svo sterkur að hann gat það ekki.
Jón Steinar Gunnlaugsson lögfræðingur